Президент Садыр Жапаров эл аралык интернет-трафикти жеткирүү жана камсыздоо боюнча убактылуу мамлекеттик монополия киргизүү тууралуу жарлыкка кол койду. Быйыл улутташтырылган “ЭлКат” компаниясына “эксклюзивдүү укук” берилди. Мамлекеттик монополия бир жылга киргизилет.
Министрлер кабинети Кылмыш-жаза кодексине бир катар өзгөртүүлөрдү сунуштап жатат. Кодекстерге киргизилип жаткан өзгөртүүлөрдүн ичинен айрым бир жосундардын кылмыш деп эсептелбей турганына айрым юристтер жана депутаттар көңүл бурууда.
Министрлер кабинетинин төрагасынын орун басары Эдил Байсалов үч жашка чейинки балдардын баарына жөлөкпул берүү системасын киргизүүнү сунуштады. Ал 11-июлда өкмөттө жакырчылыкты азайтууга арналган жыйында колу жука үй-бүлөлөрдүн балдарынын 21% гана жөлөкпул аларын чоң көйгөй катары сыпаттаган.
16-июнда Бишкектин вице-мэри Жамалбек Ырсалиевди атайын кызмат суракка алып кетип, кийинчерээк "кызмат абалынан пайдаланган" деген негизде камалганын билдирди. УКМК төрагасы Камчыбек Ташиевдин Бишкектин райондоруна иш сапары бир катар кармоолор менен коштолду.
Жалпыга маалымдоо каражаттарында, интернетте, анын ичинен социалдык түйүндөрдө жалган маалыматтарды тараткандарга айып пул салуу тууралуу мыйзамга президент кол койду. Эми он күндөн кийин күчүнө кирет.
УКМК төрагасы Камчыбек Ташиев соңку апталарда өлкө аймактарын кыдырып, жергиликтүү бийлик өкүлдөрү менен жыйын өткөрүп келет. Жыйын учурунда жергиликтүү жетекчилер кармалып же кызматтан кеткен учурлар болууда.
Министрлер кабинети турак жай жана коммерциялык курулуштар үчүн "Инвест Кей Жи Холдинг" компаниясына Бишкектен 34 гектар жер тилкесин берүү чечимин чыгарды. Анын 2,2 гектар жери мурдагы Батыш автобекети.
Президент Садыр Жапаров мамлекеттик сапар менен Тажикстанга барды. Эң жогорку макамдагы сапар алкагында эки өлкөнүн кызматташтыгын тереңдетүү талкууланып, бир нече жылдан бери жабык турган "Карамык" жана Бор-Дөбө бекеттери ачылды.
Ысык-Көлдөгү Кызыл-Омпол кенинде титаномагнетит өндүрүү иши пилоттук режимде башталды. Өкмөт өкүлдөрү 20 миллион тоннадай титаномагнетит корунан сырткары уран баштаган бир нече сейрек кездешүүчү элемент бар кен кандай негизде иштетилери тууралуу толук маалымат бере элек.
Ысык-Көлдөгү Кызыл-Омпол кенинде титаномагнетит өндүрүү иши пилоттук режимде башталганы белгилүү болду. Бул тууралуу Министрлер кабинетинин төрага орун басары Бакыт Төрөбаев билдирди.
Президент Садыр Жапаров Москвага иш сапарынан кийин Экономикалык кызматташтык уюмунун саммитине катышуу үчүн Азербайжандын Ханкенди шаарына барды.
Кыргыз өкмөтү өлкөдө адам укугуна байланыштуу эң маанилүү маселе айлана-чөйрөнүн булганышы деп санайт. Расмий маалыматта Кыргызстан адам укугу жаатында эл аралык милдеттенмелерди канчалык аткарып жатканы, адам укугуна байланышкан башка жагдайлар тууралуу сөз болгон жок.
Чолпон-Атада Жамааттык коопсуздук келишим уюмуна мүчө өлкөлөрдүн тышкы иштер министрлеринин жыйыны өтүүдө.
Президент Садыр Жапаров Фейсбук баракчасы аркылуу кайрылуу жасап, сентябрдан тарта өлкөдө бюджеттен бөлүнгөн каражатка жасалып жаткан иштерди комиссия текшере турганын билдирди.
Кыргызстанда соңку апталарда "элге адал деп таанылган “Тойбосс” колбасаларынан чочконун ДНКсы чыгыптыр" деген маалымат талкууга туштү. Бул анын айланасындагы ушундай чуунун 2023-жылдан бери экинчи жолу кайталанышы. Компания муну четке какты.
Министрлер кабинетинин төрагасы Адылбек Касымалиев “Жайкы Давос-2025” дүйнөлүк экономикалык форумунун жылдык жыйынына катышып, Кытай менен биргелешкен долбоорлорду ишке ашыруу боюнча сүйлөшүүлөрдү өткөрдү.
Өткөн аптада Министрлер кабинетинин төрагасынын орун басары Эдил Байсалов менен Соода-өнөр-жай палатасынын жетекчиси, мурдагы өкмөт башчы Темир Сариевдин айткандары ЕАЭБге кирүү Кыргызстанга эмне берди деген талкууларды кайра козгоду.
Талас шаардык соту парламенттин мурдагы депутаты Кенжебек Бокоевди 9-июлга чейин камакта калтырды. Ага коррупция боюнча айып тагылып, 2005-2010-жылдары айыл өкмөт болуп турган учурга байланыштуу экенин облустук милициядан ырасташты.
Жогорку Кеңеш өткөн апта соңунда Жер кодексин талкуусуз кабыл алды. Өткөн жылдан бери бир катар нааразылык акциялары өтүп, айрымдар президентке кайрылган, парламент кабыл алган мыйзамга кол койбоону суранышкан.
Дагы жүктөңүз
